Savitribai Phule Pune University - [SPPU]

Contact Sitemap A-Z List ● Admissions ● Examination ● Finance & Accounts ● Administration ● Research

● Syllabi ● Scholarships ● Sports Section ● Certificate Section ● Library

● SET Examination ● Academic Calendar ● Seminar & Conferences ● Tenders ● Circulars

● Job Openings ● Vidyavani ● NSS ● International Centre ● Students Welfare

'टाइम्स हायर एज्युकेशन' या जागतिक मानांकनानुसार सावित्रीबाई फुले पुणे विद्यापीठ देशात सातव्या क्रमांकावर...

'टाइम्स हायर एज्युकेशन वर्ल्ड युनिव्हर्सिटी रँकिंग' या प्रतिष्ठेच्या मानांकनाचा ताजा अहवाल नुकताच जाहीर झाला असून, त्यात सावित्रीबाई फुले पुणे विद्यापीठाने देशात संयुक्तरीत्या सातवा क्रमांक पटकावला आहे. विशेष म्हणजे पारंपारिक विद्यापीठांमध्ये ते देशात संयुक्तरीत्या पहिला क्रमांकावर आहे. वरच्या सहा संस्थांमध्ये बंगळुरू येथील इंडियन इन्स्टिट्यूट ऑफ सायन्सेस आणि पाच आयआयटी यांचा समावेश आहे.

'टाइम्स हायर एज्युकेशन' यांच्या वतीने जगभरातील उच्चशिक्षण संस्थांच्या दर्जाचे मानांकन केले जाते. त्यानुसार पहिल्या १००० विद्यापीठांची नावे जाहीर केली जातात. त्यात प्रामुख्याने अध्यापन, संशोधन, ज्ञानप्रसार, आंतरराष्ट्रीय भान असे निकष पाहिले जातात. हे मानांकन जगभरात प्रतिष्ठेचे मानले जाते. या संस्थेने २०१८ साठीची क्रमवारी नुकतीच जाहीर केली. त्यात सावित्रीबाई फुले पुणे विद्यापीठाने देशातील इतर उच्चशिक्षण संस्था व विद्यापीठांच्या तुलनेत मोठी प्रगती साधल्याचे पाहायला मिळाले आहे.

उल्लेखनीय बाब म्हणजे गेल्याच वर्षी 'नॅशनल इन्स्टिट्यूशलन रँकिंग फ्रेमवर्क'ने जाहीर केलेल्या (एनआयआरएफ) क्रमवारीत विद्यापीठाचा दहावा क्रमांक आला होता. आता विद्यापीठाने आणखी प्रगती केल्याचे 'टाइम्स हायर एज्युकेशन'च्या अहवालावरून स्पष्ट झाले आहे. याच मूल्यांकनात देशातील पारंपारिक विद्यापीठांमध्ये सावित्रीबाई फुले पुणे विद्यापीठाचा २०१६ मध्ये तिसरा, तर २०१७ मध्ये दुसरा क्रमांक आला होता. त्यात सुधारणा होऊन आता २०१८ साठी विद्यापीठाने संयुक्त पहिला क्रमांक पटकावला आहे.